由謝拉特領軍嘅利物浦U19周三晚喺青年歐聯16強，以2:0擊敗由畢特領軍嘅曼聯U19，順利躋身八強。謝拉特賽後話：「面對英格蘭嘅舊隊友同長年宿敵畢特，令呢場比賽份外有意思，對一班小將嚟講，係非常美妙嘅勝利。我地只得兩、三日時間準備呢場比賽。曼聯都曾經有過威脅，但整體嚟講我哋係完全壓制住曼聯嘅。」
