大年初七，人人都生日，百佳義工隊就喺呢個全人類都係壽星仔女嘅節日去到深水埗社區中心，同老友記們準備熱飯餐，令人驚奇嘅係，其間竟然有位神秘嘉賓，令到老友記超級興奮。到底係邊位？就係長和系主席李嘉誠，冇睇錯，真係李超人！原來誠哥紅顏知己周凱旋都有陪同探訪。
惜食堂喺facebook貼出影片，指誠哥非常認同惜食堂嘅工作，仲鼓勵佢哋要繼續擴大兼做好啲，誠哥仲宣佈會以李嘉誠基金會名義捐出1,000萬，協助擴展社區服務，現場嘅老友記當然拍晒手掌多謝誠哥。
自爆過去幾餐食麥皮
送大禮之餘，誠哥仲同老友記一齊開餐，自爆話過去幾餐都係食麥皮，噚日就有兩餸一飯，仲要見到大家食得咁開心，佢都好高興喎，百佳義工隊準備水果同米送畀老友記，祝大家笑口常開！