【利敏貞學嘢啦】周薪有18萬鎊、即係近200萬港紙嘅奧巴美揚，身家當然有咁上下，原來呢位新加盟嘅阿仙奴前鋒，喺自己啲衣著上都好肯使錢，最近英媒就有篇文章講介紹呢位加蓬球星有咩貴價名牌靚衫，同埋平時鍾意點配，望一望個價錢牌，真係冇錢都唔使指意好似佢咁玩。
據講佢衣櫃入面，Gucci、Nike、Adidas、Supreme、LV、Philipp Plein等各種最潮品牌嘅衫褲鞋都有，但當然原來都有貪折扣入貨嘅習慣，所以經常喺網上潮店ASOS同Boohoo MAN購物，皆因有得平少少，例如佢買一雙Gucci嘅便裝鞋，就比原價平98鎊。
另外，要數到身上最貴嘅，就係曾經戴上手、高達5,600鎊（約61,000港元）嘅Cartier「LOVE」系列18K金手鈪，呢外果件LV x supreme紅色褸，就要3,147鎊，即係三萬幾蚊港紙一件。
商務及經濟發展局常秘利敏貞，日前現身記者會插無綫佔用大氣電波，就須肩負社會責任支付牌照費同轉播港台節目，點知因為佢身上件衫太奇特，變相反而變咗網民熱論嘅主角，指佢件「壽衣裝」連陳冠希都carry唔到，唔知潮人奧巴美揚見到呢件衫，會有咩反應呢？