入職警隊要有一定的體能，不少警員公餘時更加入警隊健體會，進一步鍛煉意志與耐力，身形嬌小的女警警長陳若霖自言入會後，執行外勤時能給予同伴信心，現時更可以和男警一樣揸盾牌及長槍，巾幗不讓鬚眉。
最難克服惰性
入職警隊逾十年，青衣軍裝巡邏小隊女警警長陳若霖表示，中學不時代表學校參加長跑賽，「中三、四跑10公里約56分鐘，加入警隊後跑大約50分鐘」，但兩三年後「過唔到48分鐘，成績冇再突破」，也開始有痛症勞損。直至加入警隊健體會後，加強訓練肌肉耐力，包括啞鈴、深蹲等，「做完真係減少痛症、增加耐力，跑步成績有啲突破，曾經最快10公里跑44分鐘」。
她指警察是男性主導的工作，但「做咗耐力鍛煉後，喺外勤執行（任務）嘅時候，我覺得係畀到同伴一啲信心」，例如設置路障，「要擺牌、擺雪糕筒，都會好主動去幫手，（同事）都唔會驚我受傷」。由於警員須定期抽調到機動部隊，該部門的重裝備較多，例如盾牌、長槍等，「如果手同腰嘅肌肉能強化，咁可以拎得輕易啲同減少受傷」。
她加入警隊健體會7、8年，笑言最難克服惰性，「有時放工會好攰，又或者做到第2、3組運動真係會好攰，但原來有同伴陪住，真係可以捱埋落去」，未來冀推廣正確做運動和持之以恒的運動心態。
■記者張文鈴