要數到香港的潮人代表，徐濠縈（阿徐）及余文樂絕對榜上有名，兩人不但是波鞋愛好者，而且仲非常貼潮，每次有新波鞋都好快就入手着上腳，今次二人就齊齊着上新的Nike x Off-White系列。
上年Nike與Off-White主理人Virgil Abloh合作推出聯乘的「 The Ten 」系列，深受潮人的喜愛，今年再推出Virgil x MoMA （Museum of Modern Art） 的Air Force 1 ’07鞋款，繼續有「Air」字眼在鞋側，而紅色拉鏈帶變成透明。早前美國歌手Drake已經率先着，如今阿徐、樂仔又着，相信潮人們又將瘋狂搶購。