幾日嘅農曆新年假轉眼就過咗，民主黨喺3月就會搞籌款晚會。前排有報道提及嚟緊呢年，民主黨籌款嘅難度，將會因應佢哋喺民生政策問題上變得更辣而增加，最近嘅事例，原來就係粉嶺高球場塊地嘅問題。
民主黨林卓廷噚日同一眾傳媒朋友拜年，席間提到今年民主黨籌款晚宴點算好嘅問題時，阿廷相當樂觀咁話，都係繼續靠外界買枱啦，但佢同時透露，最近搵人募捐確實係難咗，因為高球場塊地嘅問題，令到唔少商界人士冇以前咁疏爽，不過都冇辦法，唔通唔企喺市民嗰邊咩？
其實橋並唔係話冇嘅，好似卿姐咁，佢親手整嘅食物歷年都籌到唔少錢，阿廷不妨仿效吓，事關佢有一煲10幾年歷史嘅滷水，唔少記者行家試過阿廷用呢煲滷水整嘅雞都讚不絕口。