經過香港經典盃一戰，告東尼馬房兩駒「時時精綵」與「中華盛世」已率先取得今屆香港打吡入場劵，可喜可賀；但旗下另一已報名這場四歲馬大賽的「將令」，情況就唔係太樂觀。
「將令」最近一次出賽為2月10日二班1600米，100倍跑包尾，表現平平，而更麻煩的事為賽後幾日，馬會公佈此駒左肩、左髖及左膝部均有傷口，以及左膝中間部位被刺傷，足足四個傷口，而之後的晨課再未見其踪影，看來能否如願出戰下月打吡機會極微。
「將令」在德國服役時七戰兩捷，包括贏三級賽鮑殊紀念錦標（1700米）及二級賽千里錦標（1600米），更在二級賽德國二千堅尼（1600米）跑獲殿軍，海外賽績絕對唔失禮，本身顯然擁高質，目前評86分，如真的未能列席打吡盛事，相信對台前幕後來說，實在倍感可惜。