列陣周三（21日）谷中夜戰第七場三班1800米，葉楚航馬房的「可愛寶」，今仗將重配華將一哥梁家俊，齋睇配搭都知鬥志如虹，事關人馬合作曾兩捷，其中一次正是同程谷草1800米。
「可愛寶」今朝(19日)最後試跑亦有特別動靜，梁家俊親自在泥地大圈快跳一段，走起來朝氣勃勃，火力俱足，落腳亦輕盈，而操完返機坪落馬後，該駒由馬伕拖返倉，梁家俊卻沒有離開，四圍望有點茫然，似想找尋東西，原來他想搵葉楚航，而此時葉楚航亦從隧道口，步往機坪會合家俊仔，並拿出一疊資料，跟家俊仔研究一番，明顯在商討「可愛寶」的搏殺大計，可見兩人對今仗非常重視。
「可愛寶」上仗跑盲門之田草及弱配吳嘉晉亦後上第四，所負甚少，反映狀態勇銳，今次出王牌回爭勝途，當然有重視必要。