【本報訊】一輛九巴260X線巴士前晚撞車撞毀欄杆後，車長未有停車及報警，同線一名姓李車長表示並不認識涉事車長，但知道對方是「掛牌車長」，並非兼職，開工前「佢要揸番幾轉260X，夠鐘先揸番自己條通宵線」。
乘客：有時轉彎似衝前
李指該司機一直以此模式開工，非首次駕260X線，至於對方事發時身體狀況，會否突不適，他就不清楚，但強調發生交通意外一定要報警。李指車長若不熟悉路線可向公司反映，公司亦不會勉強。他稱車長工時長，每日「平均10至10個半小時」，但「打工冇得揀，惟有盡量小心啲，成車乘客，做好自己，攞車前檢查吓，冇問題先開車」。他指每轉車之間有5至8分鐘休息，希望公司可給多點休息時間。
乘客鄧小姐坦言最近坐巴士會較擔心：「媽咪提我唔好坐巴士上層，因為冇安全帶……可能司機狀態唔係咁好，有時轉彎會覺得好似衝去前面。」本身是小巴司機的乘客胡先生則表示不擔心：「入總站嘅彎位比較急，一般要減速，條條線都安全，只不過霎時間有啲人為……個人問題。」
■記者周鴻熙