告東尼馬房隻「勝得威」實力勁唔勁？當然暫時睇賽績，絕對稱唔上馬王級，但如果說牠是一匹頂班惡馬，相信冇乜人反對。
話晒「勝得威」曾在一班1400米輕勝，亦是本季1600米二級賽沙田錦標殿軍，該場只負0.5馬位而已。近仗「勝得威」不上名，純因對手太強，經常面對「五十五十」、「爭分奪秒」、「四季旺」、「美麗傳承」此等勁旅，唔夠跑都好合理啫。
其實「勝得威」可以跑初三賀歲賽一班1400米，即結果由「誰可拼」勝出那場，但「勝得威」卻放棄報名，留力跑本周三(21日)谷草夜馬第二場一班1650米，可以話非常明智，事關今場不但只出馬7匹極少，而全場6匹對手級數亦偏低，冇一匹今季曾在一班或以上級數賽事上過名。
再睇番「勝得威」今次用潘頓，人馬合作4次2冠2亞，而「勝得威」本身只曾1戰谷草，即於一哩大勝亞軍「旌暉」3.5馬位，照咁睇「勝得威」今場真係十拿九穩。