由知法犯法嘅律政司司長鄭若驊領導嘅律政司，曾傳出唔檢控收取澳洲公司UGL 5,000萬元、被指涉貪嘅前特首梁振英，自由黨前立法會議員田北俊雖然身處法國滑雪，但聽到呢個消息後，噚日都忍唔住要越洋抽水，喺facebook發文#689一定覺得法律好公正。
前全國政協委員劉夢熊亦都喺facebook怒問律政司，話《基本法》第47條規定，行政長官就任時應向終審法院首席法官申報財產，記錄在案，但梁振英就任前簽咗協議喺任職特首時收取400萬英鎊，卻無依法申報：「請問律政司：基本法第47條是否仍然生效？仍然算數？」