現時第23屆冬季奧運會正喺南韓平昌舉行中，日前全城最關注就係男子花滑嘅金牌花落誰家，當中由日本國寶級花樣滑冰選手羽生結弦發揮超高水準，以總分317.85總分衛冕金牌，成為全城佳話。
事實上喺韓國嘅演藝圈都有唔少滑冰好手，當中令大家最留下深刻印象就切定係去年10月結婚嘅宋仲基同宋慧喬，雙宋因為合作神劇《太陽的後裔》而撻着，兩人好鬼合拍，除了姓氏合襯外，又鍾意做善事，就連運動嗜好都好襯。兩人同樣都係滑冰選手，當中宋仲基學生時期係一名滑冰好友，佢細細個已經訓練短道競速滑冰，訓練長達11年，更曾多次代表家鄉大田參加全國運動會，不過中學二年級時佢因為腳踝受傷而放棄滑冰訓練，但亦曾喺劇集《冰舞飛揚》中飾演一名短道速滑選手。
至於喬妹喺中學二年級前都係一名花滑選手，喺經典韓劇《浪漫滿屋》中亦有大晒滑冰實力，亦曾喺廣告中滑冰。