一click免費下載《籽想去東京》旅遊指南：http://bit.ly/2rSv4c4
全新旅遊專頁，即like籽想旅行：https://fb.com/travel.appleseed
有聽過「年初四咁嘅樣」嗎？在電影《行運一條龍》入面，周星馳飾演的水哥，就試過面青青地演繹「年初四咁嘅樣」，只因「年初四，假又放完，錢也花光，還要上班，怎會好樣呢？」記者街訪一班街坊「年初四咁嘅樣」應該係點，大家閞始發愁，甚至有人說：「無辦法呀，年初四呀很難開心呀，惟有自己請假啦。」但今年撞正年初四有補假，年初五才上班，所以還有時間準備，一於請教家營營養中心的營養師謝施敏（Kirby），問問食乜可展歡顏啦！
Kirby說：「其實有些食物可以歸類為開心食物，食完人會更易開心。」她提議大家可帶橙或番薯上班。橙的維他命C有助產生多巴胺，多巴胺有幫細胞傳遞開心情緒。番薯也是一個好選擇，含維他命B1可轉化能量，令我們更精神。如果想食好些少，還可參照以下食譜，為自己的上班日做「開心早午餐」。以下的開心食物，更含不少纖維量，大家如果由初一食吃到初四，開心食物還可幫忙你消化清清腸胃！食完笑返番，可以最好狀態同老闆逗利是啦！
開心早餐食譜：燕麥香蕉奶昔
材料：香蕉半條、脫脂奶1盒、燕麥片適量
做法：香蕉、脫脂奶用攪拌機攪勻，加燕麥片即成。
開心元素：
1.香蕉：含色胺酸及維他命B6，增加腦部血清素分泌，可紓緩情緒，更含可令人精神的生物鹼。
2.燕麥：含高水溶性纖維的碳水化合物，可穩定血糖並刺激腦部製造血清素。
3.牛奶：含色胺酸，並含鉻氨酸，能製造正腎上腺素和多巴胺，舒暢心情，牛奶亦有豐富的鈣質，幫助放鬆肌肉。
開心午餐食譜：雞肉菠菜芝士螺絲粉
材料：螺絲粉1碗、嫩菠菜1碗、芝士1片、雞柳3條、洋葱半個、黑胡椒適量、鹽適量
做法：
1.用一鍋加水煮熟螺絲粉。
2.洋葱切件備用，用另一易潔鍋加少許油，將洋葱及雞柳炒香。
3.加入螺絲粉炒香，加入嫩菠菜拌勻。
4.加入芝士拌勻，加黑胡椒及鹽調味即可。
開心元素：
1.菠菜：含豐富葉酸，有助製造血清素，並含有鐵質和鎂質，有助減壓。
2.雞肉：含豐富的硒，硒可振奮精神和令人心情變好。
記者：張佩君
攝影：王國輝、鄧鴻欣