特首林鄭、美國駐港總領事館、加拿大駐港總領事館今年都有拍攝賀年短片，同香港人拜年。但近年都有拍賀年短片嘅英國駐港總領事館今年hea到爆，只係由總領事賀恩德拍咗一條僅得兩秒嘅新春賀辭，誠意完全係零分！兩秒嘅新春短片中，由賀恩德同兩位女士手持揮春，用廣東話講咗一句「恭喜發財」（圖），僅此而已。有網民批評呢條片嘅長度破晒紀錄，恥笑「應該係世界上最短的賀年影片」。
前總領事吳若蘭（Caroline Wilson）揸旗嘅英國駐港總領事館，試過趁農曆新年拍一條兩分幾鐘嘅短片，仲試過落區、彈琴、全程講廣東話，誠意十足，網民拍掌叫好。今年賀年短片濫竽充數，唔通同英國首相文翠珊喺月初見完國家主席習近平有關？