陳鈺芸（JuJu）早排到越南同電影公司開會，最鍾意食嘢嘅JuJu話，今趟行程最開心係吃盡越南美食，兼有機會學煮越南菜：「親身去農場摘菜、香料，用六個幾鐘學整六個越南菜，包括最出名嘅越南春卷同蔗蝦。完成課程，有大廚親自頒授證書。」另外，JuJu亦趁空檔參觀越戰遺蹟，到訪橡膠樹林、防空洞同地道，又去咗胡志明市郊外踩單車。