韓國男團GOT7的香港成員Jackson早前返港工作出席花車巡遊活動，更抽空接受本報訪問。適逢農曆新年，久未在港過年的Jackson都大感興奮，開工前更先與父母食團年飯。被問到家中的過年傳統，Jackson表示甚少下廚的爸爸會煎年糕應節，不過爸爸下廚速度超慢，他更誇張地表示：「可能煮早餐變咗夜晚先有得食。」
冇特定擇偶條件
Jackson又稱因為有得𢭃利是，所以很喜歡留在香港過年：「工作前見到家人同朋友嘅家人，佢哋都有派利是畀我，但因為今次留港時間唔長，所以利是嘅數量比以前少咗。」忙於工作的Jackson目前仍然單身，他受訪時亦坦言想有個女朋友，不過他稱會順其自然，並強調自己沒有特定的擇偶條件，啱feel最重要。
採訪：文凱靈
攝影：林賓尼
