【本報訊】「狗給我溫暖、陪我渡過抑鬱生病的時間，我有生之年都唔會放棄牠們！」人稱「田園阿姨」的65歲獨居退休老師，由6年開始收養流浪狗，並安排他人領養。為照顧牠們，阿姨除耗盡退休金，又自學醫術，親自醫治狗隻的簡單疾病，田園阿姨希望越來越多市民會領養流浪狗，救助生命。
「田園阿姨」的收養經歷全是一場巧合，對狗隻毫無認知的她，收養了兩隻鄰居棄養的兩隻西施犬，恰巧當時她因不孕，遭丈夫嫌棄而離婚，心情抑鬱，「我哋夜晚一齊瞓一張床，佢俾我溫暖、安全感，牠們永遠都歡迎我。」自此開始捐錢予流浪狗義工機構，「見好多流浪狗日日困在疫站很可憐，我諗自己有咁大空間，不如收留牠們。」
她於6年前開始在家的天台收養流浪狗，經她悉心照顧和打理，已有30多隻有人領養，現時家中餘下10隻，她會每朝6時起床照顧狗隻日常起居。「係辛苦過返工，一屎一尿都怕鄰居投訴，所以我經常要彎腰清理，搞到腰酸背痛，但見牠們生活得咁好，這也值得的！」
她亦不斷看書，學習養狗心得，例如剪毛、沖涼，甚至醫治不同常見病，「例如皮膚病，用熱水沖涼，可為佢消炎止痛，狗患感冒，將人食的中藥放入肉丸中畀牠們食，很快就好，至於狗瘟，用苦瓜煲水畀牠們飲，清熱毒。」她形容自己已成為狗醫生，除了開刀動手術外，大部分疾病也懂醫。
現時她主要靠退休金養活10隻狗，每月狗糧約花千多元，她亦定期在微博、微信等更新狗隻生活，吸引不少有心人捐錢，送狗糧等，「呢幾年，最滿足係見到社會各界熱心人士捐錢救狗，亦有有心人領養，很感動！」她指，這些流浪狗是無辜的，「佢哋無做錯嘢，全部係人類的錯，我非常反對人買狗，因為即係支持狗販繁殖生命謀利」。她呼籲，有意養狗的人應以領代買，「流浪狗經歷悲慘，你收養佢畀佢一個家，就是救助一個生命！」