現年54歲的練馬師賀賢，經歷咗三個半月嘅不勝期後，剛喺2月14日情人節賽日，終於憑「英姿茂盛」打破頭馬荒，累積今季取得6Win，雖則距離爭取16Win達標成績仲好遙遠，但都算邁進咗一大步。
賀賢好消息真係一個接一個，佢老婆30歲的2009年港姐亞軍李姿敏，今日（18日）年初三賽馬日向《蘋果》報喜，已造人成功，話自己已經陀咗小賀賢四個月，預計今年中7月會榮升做媽媽。
今日現身馬場嘅李姿敏，雖則身穿灰色大褸，但遮蓋唔到較腫脹之身形，而佢話賀賢想保持神秘感，所以自己冇照超聲波，現時唔知道BB係仔定女，7月中預期係小賀賢出世日子。相信廐主有喜下，或有機會帶挈馬房今季順利畢業。