今日（16日）係狗年大年初一，先祝《蘋果》馬經讀者新年快樂、身體健康、橫財就手！
唔少本地練馬師同騎師都喺自己社交網絡，向各馬迷拜年。其中練馬師葉楚航上載家中愛犬及富貴盆栽嘅合照，並寫上「葉楚航馬房仝人祝恭喜發財、新年快樂、身體健康、心想事成、笑口常開、青春常駐、大吉大利、橫財就手及狗年行大運。」
超長的祝賀說話，葉楚航對馬迷認真有心，抵佢禮拜日（18日）贏多幾場。
另一方面，來自愛爾蘭的郭能亦趁住呢個狗年新正頭，以充滿賀年配色的傳統剪影狗仔圖片，配上「happy Chinese new year 2018」，用佢最熟悉的英文向大家拜年。
來港後不時拜神祈福的毛里裘斯籍騎師田泰安，亦用「Kung hei fat choi」向馬迷恭喜發財，可謂入鄉隨俗。
圖片來源：IG