每年情人節，男男女女就「街裏愛人一對對，互送鮮花千杯不醉」，驚死啲單身狗唔夠慘，不斷喺各大社交網絡平台發光閃彈。
而早前話唔做騎師嘅蔣嘉琦都齊齊閃埋一份，喺剛啱情人節（14日）當日，透過自己社交網站上載一張手拖手合照，但佢早前接受訪問講過，話自己沒有拍拖。
其實這個貼子有兩張相，原來之前張圖，係佢左手拖右手嘅縮圖，仲要玩嘢伸晒脷，呢次kakibb（嘉琦BB）真係鬼馬。
佢仲留言話：「無手拖ge（嘅）朋友吾（唔）洗（使）愁，你仲有隻左手拖住你隻右手」，佢仲祝大家Happy Valentine’s Day。
唔少網民話佢：「夠晒鬼馬」，亦有網民話：「仲可以聽番首張國榮嘅左右手，浪漫一下」。
圖片來源：蔣嘉琦IG