韓國樂團Royal Pirates嘅29歲前成員James嘅經歷真係好勵志，佢雖然因為一次意外令佢左手受傷，去年更需要截肢，令佢被迫放棄彈結他，更因而退出樂團，險些放棄歌手夢。
不過James冇放棄自己嘅音樂夢，更做了多次手術，成功駁回左手，佢現時仲仍然要適應新嘅左手，不過喺佢休養期間，佢依然追逐佢音樂之路，日前更喺Instagram留言，透露喺Kickstarter發起眾籌，希望透過粉絲及網民來集資幫助佢推出首張EP。
當時James亦有拍片到Kickstarter網站解釋自己左手受傷經過，以及展示左手現時情況，估唔到佢喺Ig呼籲只係短短兩日，佢已經成功達標，仲比起佢集資嘅數見超額200%，原來佢目標係27,600美金(約21.5萬港元)，而截至噚日中午約12時多，James就更新Ig，透露只係兩日已成功集資超過200%，現時已籌得61,075美金(約47.5萬港元)，James留言感謝粉絲及網民對自己嘅支持，佢亦表示自己將會將目標再定高一啲。