「《蘋果動》出擊，節目任你Click！」嚟到農曆年尾，回顧過去一年《蘋果動》除咗有最新最快嘅新聞內容，仲製作咗好多系列專訪、節目、LIVE等，為觀眾帶嚟多元化資訊。
娛樂組有多個深度專訪系列，包括全系列總點擊超過980萬嘅《我老公係發哥》，展示做發哥背後的女人有幾貼心同偉大，發嫂亦放閃話，「我眼中嘅周潤發，係好愛錫老婆囉！」另一位女強人係《俠味道‧翁靜晶》，全系列總點擊超過630萬，俠義形象深入民心， 翁靜晶話，「我選擇咗行一條辛苦嘅路，將真相講畀大家聽。」名人專訪系列當中，最受歡迎嘅係《劉鑾雄講大劉》，全系列總點擊超過1580萬！大劉喺訪問過程盡顯霸氣，「邊個擋我就殺邊個㗎喇！我諗絕大部份嘅香港人，係低估咗我嘅智慧！」
全新專頁《娛果》亦隆重登場，群星齊撐直播《今日ENT》，全民互動，尤其衛蘭喺LIVE開金口，即時獲得過千網民撐！
《蘋果動》各部組都積極開LIVE，務求精彩內容係最新最快，好似財經LIVE《今期樓行》，詹Sir驗樓嗰集，有近千人同時收睇，睇吓幾百萬嘅新盤，係咪真係有幾百萬嘅質素！麥玲玲孖沈大師開LIVE《今晚餵飽你》都唔弱，同時超過800網民收睇，了解吓點樣從玄學角度睇投資！玲玲師傅同沈大師都話，「戊戌年無財星，金融市場會好多波動！」
今年要入市慎重，未決定投資新盤，都可以裝修舊居。睇實財經節目《靚裝ONS》，無論冷暖色系，復古風、英倫風定田園風，都應有盡有，想間屋舒服又時尚，就有得參考啦！樓市嘅嘢，香港有，外國都有。《全球樓行》帶你衝出國際，走訪台灣、澳洲、加拿大等地，邊個話樓一定係貴？邊個話唔可以慢活？
體育組專訪咗拳王曹星如，《勝鬪士星如》系列挑戰曹星如16秒打出100拳，多角度塑造拳王誕生之路，簡直係港人驕傲！
有夢想就要去追，《果籽人話》採訪22歲後生仔Cedric，現實由細到大嘅夢想，成為一位揸12米長巴士嘅司機，佢忠於自己嘅態度，喺fb獲得超過7000個讚。同樣，獲得近7000讚好嘅有《籽想旅行》嘅「泰國退休」系列主角，56歲嘅金融人Aaron，帶埋太太同仔仔搬去芭堤雅嘆世界。
果籽亦緊貼科技最新資訊，尤其港人熱炒嘅蘋果手機，其中潮爆rap住介紹iPhone X極具創意，喺即時新聞獲得超過75萬點擊！
繼承2017嘅強勢，2018年《蘋果動》將會製作更多豐富節目，留意住由一班動主播為你介紹精彩內容！