禮拜日（18日）年初三賀歲賽田草11場用全闊A跑道。睇番最近1月21日同一移欄賽事，內叠前置馬優勢甚大，全部頭馬守前五位入直路建功。當中有一半排1至4檔起步，好似「加州福星」及「以奇用兵」都係藉內檔之利一放到底，具前速之馬匹仍然要優先留意。今戰列陣馬中，尾場「按得澄」上仗正是於1月21日贏A欄1400米，勝後等番同一移欄贏馬路程打王牌上陣，睇部署有心想添食。第八場「華美之友」三次角逐A欄1400米均入Q，今場出馬少可輕鬆擺前控制步速，加上有雷神操刀，配合跑道形勢之利，有力收復上仗之失。