農曆新年又到喇，想新嚟緊一年過得順順利利，不妨留意以下嘅新年禁忌！
喺新年掃地同倒垃圾都有可能會趕走財運。大家或者可以揀俗稱「破五」嘅初五掉垃圾，呢日有「送年」意思，禁忌都可以送走埋。好多人都會喺屋企貼揮春做裝飾，但小心唔好喺同一個位置貼四張揮春，因為傳統上四字唔好意頭。
想打扮得靚一靚去拜年都好正常，但正月咪去剪頭髮，剪髮剪髮，新年發嘅財好容易畀你剪走晒。另外，大家亦要忍手唔好買鞋住，因為「鞋鞋」聲唔吉利。如果新年打爛嘢嘅話都唔使慌，記得講返句歲歲平安。仲有，記住唔好同瞓喺床上嘅人拜年，否則坊間流傳話對方會病足一年！喺新年催人起身都係大忌，因為咁樣可能會令對方成年都畀人催做嘢㗎。
最後都要講返句，禁忌呢回事「信則有，不信則無」，最緊要心安理得就可以喇！
最港電影大獎投票網址
http://bit.ly/thekongestfilmawards
精選娛聞，喺晒《娛果》
http://fb.com/appledailyent