農曆年前最好賣嘅書，可能就係各個玄學家出版嘅運程書，估唔到喺九西參選立法會補選嘅姚松炎都唔執輸，踩過界出書講解「樓」年運程，嚟個狗年樓市經濟大預測。
但有別於其他教大家趨吉避凶嘅運程書，姚居士呢本《你居然未睇！姚松炎樓年運程：樓市經濟大預測》得兩頁紙，但又咪睇小呢兩張輕飄飄薄紙，皆因係透過專業分析，唔係靠估，毋須神機妙算，只求對症下藥，提出狗年樓市、經濟走況，而呢本書更加係一蚊都唔使，實用超值兼家居必備，點樣先至有緣獲贈？原來會喺年初二至四嘅九西行大運街站，限量派發2,000份，手快有手慢無。咦，當中預測「三月全港保皇黨大災」，就等大家睇吓姚居士有冇料到。