見習騎師巫顯東最近兩戰均有馬贏，停賽復出之後手風不俗，而此子剛周六（10日）勝出「金剛之星」後，出道以來已累積有44場頭馬，多贏一場便可升格，由受讓七磅轉為受讓五磅。
眼見徒弟就快升格，作為師傅的沈集成梗要幫一幫手，周三（14日）谷草夜賽，沈集成贈徒弟兩大厚禮，將「最驫」及「大英雄」交由巫顯東執韁上陣。
第七場「最驫」近兩場均在巫顯東胯下接連跑得第二，一早已證明人馬合拍，難得師傅沈集成冇換人，東東一定把握機會。
第八場「大英雄」回師贏過之快活谷1650米，場地性能遠較上賽田草為佳，機會一樣不容抹煞。
另外，巫顯東周三晚亦會為徐雨石馬房效力，策「中華寶貝」爭第四場四班1200米，計馬減分已差不多，一樣有機會助巫顯東升格。