除今朝（12日）俾馬場攝記見到同練馬師告東尼，傾有關「巴基之星」復出一戰外，有雷神之稱嘅莫雷拉其實全朝都好多嘢要搞。
雷神唔單止一朝連操6匹馬，更之後向各自嘅廐主匯報試後感覺，有大摩嘅第4場「大四喜」、呂健威嘅第3場「一支梅」，仲有何良嘅第2場「勁駿皇駒」等，睇怕呢次情人節谷草夜賽，雷神要喺入面嚟次大開殺戒。
肯定角逐第4場四班1200米嘅「大四喜」最有睇頭，首先呢對騎練喺今季合作唔多，得嗰六次，但成績一啲唔失禮，都有冠、季各一；加上「大四喜」連續兩仗搏極都飲恨得亞軍，但都係加咗1分咁大把，今次仲要加強配搭用雷神，想交代贏馬味極濃，各位馬迷呢次要睇路！