由香港建築師學會雙年展基金會主辦，香港建築師學會、香港規劃師學會同香港設計師協會共同協辦嘅「2017港深城市/建築雙城雙年展（香港）」，今年以「城市執生：留得青山在的傳奇」為主題，分別喺本地8個閒置或共享空間同文化場地，同深圳展場展出逾80個參展單位展品。
展覽去年底開幕，適逢農曆年將至，大會噚日喺銅鑼灣行人專用區舉辦壓軸嘉年華，以農曆新年同五感（即係視覺、聽覺、觸覺、嗅覺及味覺）為題，喺場地鋪上人造草皮，設置設計靈感源自全盒嘅舞台，畀參加者體驗善用城市空間「執生」嘅趣味，商經局局長邱騰華噚日亦有到場。
現場除咗有傳統美食如麥芽糖、叮叮糖等，亦有吹糖小檔，等大家有得食、有得玩，出席活動嘅邱騰華亦試咗吹糖技藝㖭！