想一想，籃球──又或者是你最喜歡的運動好了，它對你來說，是甚麼？
上星期主持學界精英籃球比賽（圖）決賽的開幕禮，主辦單位希望我能於賽前帶頭講幾句話，主題是：籃球對你的影響。就這個題目，我想了又想。中學開始愛上籃球，對我而言，它早已超越了運動和消閒。想起當年征戰學界賽場，笑過、哭過、流過汗、受過傷；想起這些年來，多少道理在球場體會。籃球對我的影響，舉足輕重。修飾太多有欠真誠，過於簡短又怕辭不達意，最後決定，就簡單的把自己的經歷和想法說出來好了。原文照錄：
「籃球對你嚟講係咩呀？」
「籃球對我嚟講，係一個人生導師。咁多年嚟，好多道理，都喺係籃球場學番嚟，一生受用。可能有好多會話，籃球同學業唔可以並存，但亦有人覺得，籃球場係一個喺課室以外嘅班房，喺呢度學到嘅嘢，唔會畀喺課入上面嘅少，而且唔淨止可以喺球場用到。」
「咁多位參賽嘅同學，好希望大家可以喺今日呢個班房盡力學多啲嘢，繼而影響埋你人生入面嘅其他範疇。」
「學界賽場係珍貴㗎，特別係精英賽。因為，你哋未來或者會有好多嘅可能性，你哋第時，可能會做職業球員，可能會打香港隊。但係學界，就只有呢六年。」
「又或者，就只有呢一刻。」
「你鍾唔鍾意籃球呀？」
換了跑道，轉了賽場，運動教給你鬥志和永不放棄的精神，永遠適用。拜恩退役前一篇《Dear Basketball》感動萬人，一個小小的球和一個鐵圈，着着實實的在影響世界。
文：伍家謙