【本報訊】天主教香港教區榮休主教陳日君樞機日前撰文，爆出羅馬教廷為中梵建交，要求兩名中國主教辭職，讓位予中共承認人選，教廷罕有發聲明反駁。陳昨批評教廷，稱教宗方濟各對共產黨不熟悉，有教廷人士為虛榮，在教宗方濟各背後做「狡猾嘢」；他又披露「邪惡協議」制訂三部曲，把主教的提名主導權雙手斷送給中方。
記者：梁銘恩
陳日君昨接受網台訪問時，再度點名批評國務卿帕羅林，促成中梵建交只為虛榮，「嘩，同中國建交，幾十年人哋都唔得，我哋成功咗」。陳指初期見帕羅林表現屬謙謙君子，故支持他上任，後來才發現其真面目。陳日君估計，教宗有可能不了解實情，「方濟各唔係好認識共產黨，佢哋有啲嘢可能喺（教宗）背後做……做啲狡猾嘢」。
陳日君透露，在中梵協議下，內地教廷聲稱會以「三部曲」選出主教，先舉行民主選舉，再由主教團提名，最後由教宗批准。「（中國）民主選舉，你信唔信呀？選民比例都唔清楚呀」；陳續指，主教團人員受共產黨操控，提名人選必定由中央欽點，即使教宗有最終否決權，「教宗否決得幾多次呀？有冇膽否決10次呀？又會俾人話唔講道理」。
指梵蒂岡或與台斷交
陳解釋，現時內地選主教做法，是由梵蒂岡提名再秘密通知中方，中方若接受便會指定選委投票選出主教，再由教廷任命。他憂慮，在協議之下，主教提名主導權落在中方手上，教宗只能選擇是否任命，等於向中方投降。陳又指，梵蒂岡為與中國建交，接受7名由中共任命的主教，是強迫地下教會神父和教友接受中共控制，剝奪他們的選擇權，「逼佢哋走入鳥籠」。
因勇於公開挑戰權貴而被冠以「反叛主教」稱號的陳日君，強調自己只是批評教廷，「但教廷唔係教宗，唔好誤會我係批評教宗」。他表示會尊重教宗方濟各的最後決定，「如果佢簽咗邪惡協議，我就消失，唔講嘢啦」；又勸喻教友勿因不滿決定而造反，「自己返去喊、返去祈禱啦，可能教宗有更高智慧做呢個決定呢」。
對於中梵一旦落實建交，陳日君稱要有心理準備，梵蒂岡或會與台灣斷交，但相信教廷不會背棄信眾，相信雙方仍會有非正式往來。
