梁朝偉主演的賀歲片《捉妖記2》下周五年初一上映，偉仔的老婆劉嘉玲則主演另一套賀歲片《我的情敵女婿》，兩公婆賀歲打對台。偉仔日前在灣仔接受訪問，回想去年底到北京拍《捉》片時適值嚴冬，零下十多度通宵外景，偉仔說：「估唔到35年前做兒童節目，35年後可以拍一部畀小朋友睇嘅電影，都幾得意。」
問偉仔跟嘉玲哪人演技較好？他說：「從來冇諗過，因為每個演員都唔一樣，演員有自己風格，除非大家演同一個角色。」偉仔卻自認搞笑勝老婆：「隨住年齡，好多事毋須太認真，有時可以幽默吓，笑看人生。」但嘉玲喜歡偉仔幽默還是搞笑？他說：「兩樣都鍾意，嚴肅中帶少少幽默。」偉仔透露今年會減產，爭取時間陪媽媽。
採訪：卓寶花
攝影：陳慧安