港大前校長馬斐森已返老家蘇格蘭，做愛丁堡大學校長，佢上年辭職嗰時，已表明跳槽同人工無關，仲要大幅減薪。不過英國《泰晤士報》報道，馬斐森年薪有40萬英鎊（近444萬港紙），榮登全蘇格蘭最高薪嘅大學教職員。
適逢英國準備改革大學教職員退休金制度，被指剝削福利， 𠵱家仲醞釀工潮，此時馬斐森被爆人工冠絕蘇格蘭高教界，年退休金有45萬港紙。該報引述英前教育大臣阿多尼斯勳爵，鬧爆馬斐森人工優厚到離譜，仲要求蘇格蘭首席部長施雅晴介入。
馬斐森回覆該報，話當時愛丁堡大學發現佢跳槽會大減人工，所以校方先提出呢個薪金，自己從冇要求高啲人工。佢仲話明白大家關注佢拎幾多人工，但希望學生根據佢嘅表現去評價。