亞洲電視外事總監曾醒明情繫泰北逾35年，今年首次籌組15部《送炭到泰北》四驅車隊，共38名成員本周六由本港出發經內地、寮國、緬甸到泰國，預計年三十晚抵達泰北探訪華文學校及孤兒院，派發新春福袋禮包給當地同胞。
其實數十年嚟隊員都係先搭飛機再轉車到泰北，今次希望轉換送暖方式，由資深四驅車愛好者文偉雄領軍，翻山越嶺到泰北。曾醒明情繫泰北，源於前藝人馮淬帆借柏楊著作《異域》畀佢睇，感慨國共內戰後被遺棄泰北嘅國民黨孤軍同後人嘅悲涼故事。
佢1982年首次到泰北，見難胞子女喺茅草教室上課，悲從中來；兩年後再訪泰北，有台灣農耕隊員對他說，「我們要為國家對這些被遺棄的難胞贖罪」，曾醒明自此同有心人組成莒光文化服務中心，30多年來與華欣文教基金籌組不同行動，改建校舍、培訓師資。