「因為健康理由，我決定做出改變，放低我的策騎事業，然後再探索我將來的路應該怎走。」蔣嘉琦說。
自從嘉琦BB宣佈唔做騎師掛靴後，不論朝早晨課、師傅呂健威馬房入面，甚至任何有關賽馬的event，「蔣嘉琦」呢個三個字已經徹底消失。
相信好多馬迷都想知道，嘉琦BB退役之後，究竟現時做緊乜？如果馬迷有Follow開佢IG，就會知道嘉琦BB現時超疏乎，正享受唔使日日禁口造磅的日子，不斷去香港唔同餐廳食好西，仲話自己可以喪食係一件好幸福之事，隨時做埋香港飲食達人咁話！不過，嘉琦就笑自己肥咗好多，但亦好正面咁話唔增肥點有藉口做運動減磅！
不過此Post一出，唔少網民留言唔捨得佢退出馬圈，但都佢戥開心番而高興。其實見嘉琦BB對住隻勁大瀨尿蝦笑得咁開心影相，對比退役前上載一張個feel較dark的摸月亮相，相信做騎師包袱真係好重，家陣放低呢個重擔，做番自己鍾意做嘅嘢，就算食肥啲包包臉都唔怕啦！