隔牆有耳:會計師公會開會傾派錢 - 李八方

隔牆有耳:會計師公會開會傾派錢 - 李八方

去年底會計師公會理事會換屆選舉,6名「民主進步會計師」成員,喺會員一人一票下成功爆冷晉身理事會後,逾百名會計師其後要求公會根據附例召開特別會員大會,據知大會3月2日召開,議程之一更包括派錢喎!
當日大會將就3大議題表決,包括由4萬幾名會員一人一票普選公會會長、將公會3.55億元流動資產發還會員,即係平均每名會員可獲發回4,000幾蚊,以及檢討行政總裁薪酬過高問題。
過去公會召開特別會員大會嘅經驗唔多,之前只係試過2011年有會員動議一人一票選會長,但最終被否決,今次過百會員再次推動上述議題,投票要有一半人支持先可以成功。