每年維園年宵攤檔都係政黨賣嘢籌款好時機，民主黨喺過去幾年都因應政治環境特別設計產品出售，反應都唔錯。今年佢哋亦有搞鬼建議，甚至已製作千件貨品，但據知最終會暫緩喺年宵出售，點解呢？原來同立法會3.11補選有關。
民主黨話呀，為咗聚焦3.11補選，佢哋喺維園嘅年宵檔會以「團結、反DQ」為主題；佢哋嘅攤位每晚都會捐畀各民主派候選人作宣傳站，爭取市民支持。咁個檔唔賣嘢咪好吉？
八方問過創意媒體部部長黎敬瑋，佢話日間仲會有啲賀年揮春等物品出售，亦會有黨友寫揮春，晚間就留畀候選人駐場，場地開支會當選舉捐贈。