雙學三子被提名諾貝爾和平獎，劉公兆佳馬上指出，中共日內必然會作出激烈反應。喔不會比平壤那個「火箭仔」先㩒掣射向華盛頓吧。
中共激反，絕非匪夷所思，不久將來，三手（已搞掂西九割地三步走）出擊。第一手：經常自詡為港籌謀，放假街都唔出的林鄭，急速由2.0進化為7.0！今日林鄭已經將DQ周庭的原因說成「政治意識形態」，明天進化成7.0就會逐個向雨傘運動「持份者」進行意識形態大批鬥！行埋西環，戰娘上身，掃蕩雨傘遺籽，選與被選資格都殺無赦！23條過埋，上門拉人。拉人還會叫齊柒警，自己閃人離港公幹。奶媽，做硬絕代（傘運一代）DQ！
第二就係徹底黐埋西環的選舉主任，權力超越法官，「判辭」唔使提歪風，要釘誰便誰。選舉主任由候選人心裏面那條蟲升呢，擔正對「雨傘運動巨嬰」有殺錯無放過！
最後，連梵蒂岡也要跪拜強國市場甘願做籠中鳥，香港這隻驚弓之鳥恐懼了？還跟林鄭潘鄭一齊相信上帝感召？睇清楚中英聯合聲明份契未？被終極釘契！