如果要選一個立法會扮嘢王，實政圓桌嘅田北辰或者會上榜！乜佢份人好扮嘢嘅咩？係呀，真係好鍾意扮嘢㗎，唔係囂張大鼻嗰隻扮晒嘢，而係每逢過時過節都會變身節日吉祥物嗰種真．扮嘢，呢幾日周圍遊嘅佢，成日俾市民瘋狂集郵。
繼喺聖誕節變咗一棵人肉聖誕樹，俘虜唔少細路仔歡心之後，臨近歲晚，田二少又出動喇，香港市民新年願望之一梗係財源廣進，所以佢都變做「財辰」，四出祝大家財源滾滾來。
田二少巡迴新界西同大家影相呃like之餘，仲會舉辦賀年掛飾工作坊，喺深井、青衣城同荃新天地都會有攤位，佢笑稱冇幾可着到咁行，歡迎大家搵佢影相selfie。