今次（4日）剛好是全季一半的第44次賽事，踏入季中階段，唔少舊馬都跑過七至九次賽事，以現時這個競賽環境來講屬於非常普遍，但以老一代的馬季來說，一整季可能先跑大約十次賽事，比較上來現時真的跑得比較密。
所以剛好季中，開始都要留意馬匹體力問題，尤其陣上搏得多，連場入圍的都很大機會斷纜，不是每一馬都好像「僥倖」般厲害。
接住落去的賽事，都會越來越多B字號布的馬匹出賽，可謂新舊混戰交接期，大家於度馬時候，隨了觀看試閘外，都要留神上仗可能輸得遠的賽績，當然亦要細心分析馬匹狀態變化。
第十場三班1400米，是上凸五分的三班賽事，要注意的是有11匹馬的評分是80分或以上，可謂二班馬居多，均勢賽事。最先留意的是苗廐「世界紀錄」，無論訓練抑或部署苗禮德應記一功，保養得宜，陣上交出穩定表現。
季初118場次慢步速仍能撲上第三，只輸半馬位給「帝豪寶寶」及「勇霸神駒」，跑第四的「靚紫荊」期後都交出頭馬，所以賽事水準不俗，期後都於同程補中，跑贏「平海福星」。「世界紀錄」始終路程專家，休息期足夠，表現穩定可作膽。
「連利之星」上仗落三班已提過有着數，贏完馬加七分，今次只加兩磅，計死數的話亦是著數，最緊要柏寶發揮穩定。「怪獸家長」評分上升空間唔多，要把握上凸五分的賽事，配羅理雅得一冠一亞，仍要防。
「帝豪寶寶」雖然排14檔，但同場快馬不多，賺跑法及跑道形勢。「紅運爵士」近兩仗都有藉口，前仗氣管有血，上仗配手風不順的祈普敦，今次回配莫雷拉屬邊線分子。