【本報訊】臨近農曆新年，不少市民打算一家人出外吃團年飯。港股早前突破3萬點，飲食界表示，股市升帶旺整體消費氣氛，「上年（團年飯）消費平均大約5,500蚊一圍，今年消費平均大約6,500蚊一圍，啲消費者唔係太計較價錢」，又指「就算食魚都會叫靚啲嘅魚，鮑參翅肚同一樣嘅嘢，叫嘅質素都高啲」。有市民表示，因股市暢旺而今年團年飯會「食豪啲」，「唔會計較價錢」。
市民食豪啲：唔計較價錢
香港餐飲聯業協會會長黃家和表示，今年飲食業的整體生意都錄得增長，且有市民已提早訂座食團年飯，「𠵱家離新年仲有半個月，中式酒樓已有六至七成訂位」，預計今年食肆團年飯生意比去年增長10%至15%。
他又指，近日股市上升，加上消費氣氛暢旺，「上年（團年飯）消費平均大約5,500蚊一圍，今年平均大約6,500蚊一圍。不過，由於食材成本增加10%，故今年餐飲價格亦會增加約10%。
從事飲食業的陳女士表示，團年飯當日已打算出外用膳，一家人約4至5人吃團年飯，往年花費約1,000多元；又指因近日港股暢旺，令她在股票市場有所收穫，「鍾意食乜咪食乜，唔會計較價錢，最緊要開心」。家庭主婦曾女士則指，今年改食日本放題，預計花費每位200多元。
另外，百樂潮州酒家行政總廚許美德表示，今年團年飯檔期的訂座已滿，設有兩輪晚市，人均消費500至600元；最多人選擇的餐單價位為每位600至800元，預料生意與去年相若。
不過，許美德說雖然近期股市和樓市突飛猛進，惟實質是一小撮人受益，因此今年團年飯菜式沒有加價。
■記者張文鈴