林峯、蔡卓妍（阿Sa）、方中信和譚耀文等昨在九龍城為網劇《PTU機動部隊》開工，劇情講述鎮壓韓農示威，由於近日氣溫寒冷，未拍攝時，阿Sa要披上外套保暖：「我喺劇組搶咗四個暖包。」農曆新年將至，阿Sa稱劇組有假放，她也請多幾天：「未接呢套劇嘅時候，我同Mani（經理人）講咗我一定要放假，如果唔係就唔接。」問到可是跟男友石恆聰（Anthony）外遊和可會去男友家拜年？阿Sa笑謂：「唔話你知！」
林峯拒談吳千語
對於好姊妹鍾欣潼（阿嬌）收到未婚夫賴弘國的求婚巨型鑽戒，阿嬌心郁搞Twins合體婚宴，阿Sa說：「一齊就難啲，搞咗佢先啦！」那Anthony求婚了嗎？阿Sa說：「未呀，冇喎！」雙方有共識？她再說：「呢啲到時先啦！」阿Sa舊愛陳偉霆的緋聞巴西索模Bruna G Marth疑遭男方內地粉絲留言恐嚇要報警，阿Sa回應：「唔知，唔答。」
林峯表示農曆新年假會跟家人食團年飯，至於會否返家鄉廈門則看家人決定，會否帶女友吳千語同行，林峯示意不談感情事。去年惹麻煩的方中信，希望今年一切順利：「上次有德國公司已經撤銷民事訴訟，咁就煩少啲，希望呢年唔好咁多麻煩嘢；呢套劇初五開工，所以我放假會去拜一拜，唔好咁黑。」
採訪、攝影：黃曉妍