黃百鳴在銅鑼灣開新戲院Victoria，目前正在試業，其實相隔一條街又有另一間由他打理的JP戲院。前日他在新戲院接受訪問，解釋自己打自己因由：「因為近維園所以改呢個名，JP啲戲院大，新戲院有5間細院，啲戲到第二周觀眾減少，可以轉去新院做，彈性啲。」原來他對JP戲院的情意結，緣於20年前，他說：「JP以前叫翡翠明珠，係我以前嘅東方院線龍頭戲院，96年盜版犀利，戲院冇生意，大家做唔住，96年尾滿約冇辦法做落去，記得最尾嗰一日，我企喺戲院望住塊銀幕同自己講，我總有一日要返嚟，冇諗到要等20年。」
由黃百鳴營運的5間戲院，當中亦有另一個童年情意結在內。回想童年時，黃百鳴在街頭行過，都會見到戲院蹤影，他就會入內消磨十多二十分鐘時間：「入去睇吓畫頭、攞啲戲橋，又望吓今期、下期、不日做乜。𠵱家你唔會喺街見到間戲院，去商場搵戲院搵到火滾，轉嚟轉去，所以我搞嘅戲院有一個特點，一定要喺地舖，吸引啲觀眾入去。」
採訪：何永寧
攝影：陳慧安