黃百鳴由新藝城到東方影業，至現在的天馬娛樂，以71歲之齡主理電影王國，拍電影搞院線。對於接班的問題，黃百鳴自言對子女採開放態度，雖然大女漪鈞跟細仔子桓曾到加拿大讀經濟，但電影行業都是兩人工作的「歸宿」。黃百鳴說：「我係好自由畀佢哋選擇自己鍾意做嘅嘢，無奈佢哋要做番我呢行。」家姐負責宣傳工作，兒子更是走回父親編劇的路。
由徐克執導的《七劍》開始，子桓臨危受命以一個通宵剪一條《七劍》花絮，應付亞洲各地片商，黃百鳴說：「徐克搵咗個美國剪片師剪個預告，貴不特止仲好慢，套片拍好，預告仲未剪好。」他笑言可能子桓自小就見到自己在書房寫劇本，令他愛上編劇工作。另一次機會是兩父子到佛山做資料搜集時，找來十多位見過葉問的老人家口述當年歷史，子桓最後就寫成令甄子丹衝出宇宙的《葉問》，講到兒子能否成為接班人？黃百鳴說：「就睇佢自己造化囉。」
採訪：陳月媚
攝影：陳俊強