英國男星湯哈迪（Tom Hardy）因演出《復仇勇者》(The Revenant)而同巨星里安納度迪卡比奧（Leonardo DiCaprio）成為好友，二人兩年前打賭，湯哈迪因為覺得呢套片自己無勝算，所以唔會獲提名奧斯卡金像獎，但里安納度就睇好佢會入圍，最後答案湯哈迪真係入圍最佳男配角獎，敢作敢為嘅湯哈迪願賭服輸，最近於右手臂紋身寫上「LEO KNOWS ALL」（里安納度無所不知）。
湯哈迪前年受訪講過呢場打賭：「我仲未紋，因為太難頂喇，佢（里安納度）寫嘅『Leo knows everything』好醜，我同佢話：『好啦，我會去紋，但你要寫靚啲。』」佢拖咗兩年，最近終於喺手臂紋上「LEO KNOWS ALL」（里安納度無所不知），網友讚佢願賭服輸，精神可佩，但都笑稱：「佢應該紋細啲，真係蠢。」