連續兩年成為日本馬王的「北部玄駒」唔單止喺馬場上震懾馬迷，就算退役轉咗做種馬都好，魅力一啲都冇減退，更吸引超過150匹馬女預約交配，其中包括兩屆日本馬后「貴婦人」的母親Dona Blini。
雖然有成堆佳麗等緊受寵，但想同「北部玄駒」交合，費用一啲都唔平，每次須支付500萬日圓（約36萬港元），而日本前馬王「滿樂時」首年配種費亦不過是每次400萬日圓（約29萬港元）。
話雖如此，「北部玄駒」與日本種王「大震撼」仲有一大段距離，須知想懷有後者血脈，相關馬女的主人就要俾4,000萬日圓（約287萬港元），足足同「北部玄駒」相差八倍之多。
今年「北部玄駒」就為其所屬之北海道社台牧場，帶來至少7.5億日圓（約5,400萬港元）收入。如果其未來子嗣不斷勝出大賽，其配種價格肯定會相應上升。
圖片來源：互聯網