新民黨早前因為派發嘅月曆12月份神奇地多咗「32」日，被網民集體恥笑。不過人類總要重複同樣的錯誤，浸會大學噚日被發現重蹈新民黨嘅覆轍，喺一個IG post上「僭建」1月32日，仲過咗成日都未更正。
浸大近年玩IG，每日一Post講吓校園逸事，仲會將帖文link落官網。佢噚日就上載咗一張校園外觀照，配合寒冷天氣兼有雲嘅文字，平平無奇post就因為個日期出事喇。八方發現浸大官網個日期竟然寫咗1月32日，擅自幫1月僭建一日！到截稿時浸大仲未更正錯誤，上次新民黨就拍片死撐，寫多一日係想為打工仔爭取多一日假，唔知今次浸大係咪「用心良苦」，想放同學仔一日假而將2月1日寫成1月32日呢？