巴黎聖日耳門周二晚喺法聯盃四強，下半場球證透過VAR向飛鋤對手嘅基利安麥巴比（箭嘴示）出示紅牌，但十人應戰仍作客險勝雷恩3:2晉級；不過今場嘅焦點就落喺尼馬身上。尼馬喺比賽中曾用背脊控波、將皮球挑過對手頭頂；補時階段雷恩後衞咸馬利查奧爾倒地，尼馬伸出右手似要扶起對方之際卻突然縮手，極具挑釁性。