韋斯咸周二晚主場喺多達九名主力缺陣下，仍能逼和水晶官1:1搶番一分。有傳媒賽後訪問莫耶斯點解冇病冇痛嘅米查利安東尼奧（左）冇列入大軍名單，莫天才就大爆對方因為遲到而被罰。「據我所知喺我嚟之前，佢已經有多次開會遲到嘅紀錄，所以先罰佢無得出場。」莫耶斯又指安東尼奧已經同佢道咗歉，聽日會如常操練！