【本報訊】八九六四，不想回憶，未敢忘記，吳宗鑾為聲援北京的學生，自行拿着標語口號甚至尊子漫畫到文具舖影印，自發走到街上派發，「好記得當時老闆免費幫我影印，大家都同仇敵愾，好齊心」；若非六四，吳宗鑾未必會在大學選修政治與經濟，愛畫畫的他可能會以藝術科為首選，「六四對我嘅影響真係好大」。
向民動自薦當助手
自稱「大中華膠」的吳宗鑾，童年小學時期與家人在台灣度過，中學才回港讀書，畢業後打工儲錢到澳洲升學，1996年墨爾本大學畢業後加入的卻是資訊科技界，「覺得喺香港要生存，都係要建立咗經濟基礎先」。
「但係六四事件後嗰團心火一路冇熄到」，至2006年吳宗鑾經濟基礎開始穩定，膽粗粗傳電郵至民主動力自薦幫手，「結果蔡耀昌打嚟搵我約見面，當時佢都有啲懷疑，好似諗緊我係咪奸細？哈哈」。面試過關後更輾轉成為民主動力執委，加入民主動力後發現，「法律真係好重要，覺得自己好多嘢唔識」，結果2007年在城大兼職讀法律，及後毅然轉行，2012年辭工赴英讀法律碩士，2015年成為大律師，跟過的師傅包括剛勝選大律師公會主席的戴啟思。徒弟與師傅一樣，希望更多港人關注人權問題。
■記者許偉賢