禮拜三（31日）谷草賽事用C加3欄，睇番最近12月20日同一移欄賽事，雖然有「要風得鋒」及「喜進」兩匹大熱門一放到底，不過其餘場次全由居中後上馬建功，其中「歡喜心」、「贏科超影」更從尾叠反先對手勝出，後追馬只要在彎位穩守中內叠慳位，形勢上絕不輸蝕。
今戰列陣馬中，第三場「歡喜心」（蔡約翰馬房）前仗正是於12月20日谷C欄一哩贏馬開齋，上仗轉跑田草敗勿作準，重返強項可以回復表現。
另外，第二場「港林福星」（沈集成馬房）唯一頭馬正是在谷C加3欄所得，亦是全場唯一贏過此移欄之參戰馬，重返五班憑較佳場地性能又可言勝。